Prabhas Look Leak: ప్రభాస్ లుక్ లీక్.. అతన్ని కనిపెట్టిన వారికి రూ.5 లక్షలు
దిశ, వెబ్ డెస్క్: మంచు విష్ణు ప్రధాన పాత్రలో, పాన్ ఇండియా హీరో, రెబల్ స్టార్ ప్రత్యేక అతిథి పాత్రలో భారీ బడ్జెట్ తో ఫాంటసీ డ్రామాగా తెరకెక్కుతోన్న సినిమా కన్నప్ప. ముకేశ్ కుమార్ దర్శకత్వంలో ఈ చిత్రాన్ని మోహన్ బాబు ఎంతో ప్రతిష్ఠాత్మకంగా నిర్మిస్తున్నారు. ఈ మధ్యకాలంలో ఎంత భారీ బడ్జెట్ సినిమా అయినా సరే.. లీకుల బెడద తప్పడం లేదు. ఇప్పుడు కన్నప్ప టీమ్ (Kannappa Team) కు అదే ఎదురైంది. సినిమాలో ప్రభాస్ లుక్ లీకైంది. సోషల్ మీడియాలో ఎక్కడ చూసినా అవే ఫొటోలు దర్శనమిస్తున్నాయి. దీనిపై కన్నప్ప టీమ్ స్పందించింది. దయచేసి ఆ ఫొటోలను షేర్ చేయొద్దని అభిమానులు, నెటిజన్లకు విజ్ఞప్తి చేసింది.
కన్నప్ప కోసం 8 సంవత్సరాలుగా కష్టపడుతున్నామని, రెండేళ్లుగా ఈ సినిమా పనులు జరుగుతున్నాయని పేర్కొంది. అనధికారికంగా ఒక్క ఫొటో లీకైనందుకు చాలా బాధపడుతున్నట్లు తెలిపింది. ఇది తమ కష్టాన్ని, ఈ ప్రాజెక్ట్ కోసం నిరంతరం శ్రమిస్తున్న 2 వేల మంది వీఎఫ్ఎక్స్ వర్కర్ల జీవితాలను ప్రభావితం చేస్తుందని చెప్పింది. ప్రభాస్ లుక్ లీక్ (Prabhas Look from Kannappa) పై పోలీస్ కేసు పెట్టామని, దయచేసి ఆ ఫొటోను ఎవరూ షేర్ చేయొద్దని విజ్ఞప్తి చేసింది. ఈ ఫొటోను షేర్ చేస్తే.. చట్టపరమైన చర్యలు తీసుకుంటామని స్పష్టం చేసింది.
ప్రభాస్ లుక్ ను లీక్ చేసిన వ్యక్తిని కనిపెట్టిన వారికి రూ.5 లక్షల ప్రైజ్ మనీ ఇస్తామని ప్రకటించింది కన్నప్ప టీమ్. ప్రీతి ముకుందన్ హీరోయిన్ గా నటిస్తోన్న ఈ సినిమాలో ప్రభాస్, అక్షయ్ కుమార్ (Akshay Kumar), శరత్ కుమార్, మోహన్ లాల్ వంటి భారీ తారాగణం ముఖ్యపాత్రల్లో నటిస్తోంది. శివుడిగా అక్షయ్ నటిస్తుండగా.. ప్రభాస్ నంది పాత్రలో కనిపిస్తారన్న వార్త చాలా రోజులుగా చక్కర్లు కొడుతోంది.
Read More ...
Prabhas: షాకింగ్ న్యూస్ .. లీకైన ప్రభాస్ ఫోటో.. వైరల్ అవుతోన్న పిక్
